જમીયત ઉલેમા-એ-હિંદના બે દિવસીય જૂલુસથી હિંદુ સંતોની સભાઓ પણ સ્થળે સ્થળે શરૂ થઈ ગઈ છે.શનિવારે વારાણસીમાં કાશી ધર્મ પરિષદની બેઠક બોલાવવામાં આવી હતી. જેમાં મુખ્યત્વે 16 ઠરાવો પસાર કરવામાં આવ્યા હતા. આ સાથે રાજ્યની યોગી સરકારને તોફાનીઓ સામે કાર્યવાહી કરવાનું અલ્ટીમેટમ પણ આપવામાં આવ્યું હતું.

સંત સમાજે ચેતવણી આપી હતી કે જો માંગણીઓ નહીં સંતોષાય તો નાગા સાધુઓ સાથે રસ્તા પર ઉતરીને આંદોલન કરવામાં આવશે.સંતોએ માંગ કરી છે કે જે મસ્જિદોમાંથ પથરાં ફેંકવામાં આવે તેને તાળા મારવામાં આવે.

જૂમા પર દેશભરમાં હિંસા પછી, કાશી ધર્મ પરિષદે શુક્રવારે નફરત ફેલાવનારા મૌલાનાની ધરપકડ અને નૂપુર શર્માને ધમકી આપનારાઓ સામે રાસુકા લાદવા સહિત 16 ઠરાવો પસાર કર્યા. શુક્રવારની નમાજ પછીની હિંસાને ઇસ્લામિક આતંક ગણાવતા, શનિવારે વારાણસીમાં વૈષ્ણવ વિરક્ત સંત સમાજ દ્વારા સુદામા કુટીમાં કાશી ધર્મ પરિષદની બેઠક બોલાવવામાં આવી હતી.

પાતાલપુરી મઠના મહંત બાલક દાસની આગેવાની હેઠળની કાશી ધર્મ પરિષદે શુક્રવારની પ્રાર્થના બાદ હિંસાની નિંદા કરતો ઠરાવ પસાર કર્યો હતો. સુદામા કુટીમાં એકત્ર થયેલા સંતો, મહંતો અને આચાર્યોએ શુક્રવારની ઘટનાને ભારતીયોને ભયાનક અને ડરાવી દેનારી ગણાવી હતી. સંતોએ કહ્યું કે, જે રીતે ઈસ્લામિક જેહાદીઓ નમાઝ અદા કર્યા પછી રસ્તા પર ઉતરીને દેશને સળગાવી રહ્યા છે, તે સંત સમાજ ક્યારેય સહન કરશે નહી.

મહંત બાલક દાસે વધુમાં કહ્યું કે દેશ સળગી રહ્યો છે, આપણાં મંદિરો તોડવામાં આવી રહ્યાં છે. આપણા દેવતાઓનું દરરોજ અપમાન થાય છે. અમે કાયદાના માર્ગે જેહાદીઓ વિરુદ્ધ કાર્યવાહી કરવા ઈચ્છીએ છીએ. દેશને સળગતા બચાવવા માટે સંત સમાજ રસ્તા પર ઉતરશે. અમે તમામ સંપ્રદાયો, અખાડા અને નાગાઓ સાથે વાત કરીને મોટો નિર્ણય લઈશું.

આ ધર્મ પરિષદના કોટવાલ મોહન દાસે કહ્યું કે અમે ભગવાન રામના માર્ગ પર ચાલનારા છીએ.અમે શાંતિ શોધનારા છીએ, જે હિંસા થઈ રહી છે તે અસ્વીકાર્ય છે. હવે બહુ થયું, સરકારે તાત્કાલિક પગલાં લેવા જોઈએ.

આ બેઠકમાં પાતાલપુરી મઠના પીઠાધીશ્વર મહંત બાલક દાસ ઉપરાંત સુદામા કુટીના મહંત રાઘવ દાસ, રામજાનકી મઠ બુલાનાલાના અવધકિશોર દાસ,  અવધેશ દાસ, રામપંથના પંથાચાર્ય ડૉ.રાજીવ,  પ્રમોદ દાસ,  સત્યનારાયણ દાસ,  સત્યનારાયણ દાસ, ડો.શ્રવણ દાસ , મહંત રામેશ્વર દાસ , મહંત રામશરણ દાસ , મહંત સિયારામ દાસ , કોટવાલ મોહન દાસ , કોટવાલ વિજય દાસ , ઈશ્વર દાસ , સર્વેશ્વર શરણ દાસ , ચંદ્ર ભૂષણ દાસ , વૈભવ ગીરી , તાંડવ મહારાજ , રામેશ્વર દાસ હાજર રહ્યા હતા.